Is there for Honest Poverty

by Robert Burns


Is there for honest poverty
     That hings his head, an a that ?
The coward slave, we pass him by
     We dare be poor for a that!
For a that, an a that,
     Our toils obscure, an a that,
The rank is but the guineas stamp,
     The mans the gowd for a that.
What though on hamely fare we dine,
     Wear hoddin grey, an a that ?
Gie fools their silks, and knaves their wine
     A mans a man for a that.
For a that, an a that,
     Their tinsel show, an a that,
The honest man, tho eer sae poor,
     Is king o men for a that.
Ye see yon birkie cad a lord,
     Wha struts, an states, an a that ?
Tho hundreds worship at this word,
     Hes but a cuif for a that.
For a that, an a that,
     His ribband, star, an a that,
The man o independent mind,
     He looks an laughs at a that
A prince can mak a belted knight,
     A marquis, duke, an a that!
But an honest mans aboon his might
     Guid faith, he mauna fa that!
For a that, an a that,
     Their dignities, an a that,
The pith o sense an pride o worth
     Are higher rank than a that.
Then let us pray that come it may
     (As come it will for a that)
That Sense and Worth oer a the earth
     Shall bear the gree an a that!
For a that, an a that,
     Its comin yet for a that,
That man to man the world oer
     Shall brithers be for a that.
Robert Burns | Classic Poems
A Red, Red Rose ] To a Mountain Daisy ] Address to a Haggis ] Address to Edinburgh ] Auld Lang Syne ] [ Is there for Honest Poverty ] Address to the Unco Guid ] The Cotter's Saturday Night ] To a Louse ] My Heart's in the Highlands ] Holy Willie's Prayer ] Tam O'Shanter ] To a Mouse ]





 Poems by Cameron Self | About Us | Contact Us Advertise on PG

Cameron Self 2003-2014.  All rights reserved.                                                                                                                                  Hosted by UK Web.Solutions Direct